Designed by Dominic Wong

i AM Hi-LiTER

作曲：Deakin Ng
作詞：Deakin Ng
編曲：Deakin Ng
主唱：Deakin Ng

I AM HI-LITER    WHAT IS YOUR COLOUR?
紅黃綠橙   你係那一種色   原來仲有   各樣各種出色
仍然未瞓   繼續要聽收音機   凌晨起身   掛住要Highlight你

Rap: 我嘅顏色叫做唔識  邊可以咁招積乜都話識識識
哩頭學完   嗰頭又學
哩個世界   咁多嘢學
我嘅宗旨就係唔識學到識

Rap: 青色綠色珍惜港式紫色黃色   邊個唔識珍珠色
唔同顏色代表唔同角度   樣樣事咁睇至有出路
咁樣做人先叫出色

按此試聽

歌曲意境

每個人都很獨特，各自都有不同的出色之處。但同時，沒有人是完美的，我們要不斷學習，不能劃地自封。就好像不同顏色在不同時候有著不同的用處，我們更要用這些不同的顏色來Highlight別人的生命，才真正做到年輕不枉過。

監製的話

這是我為到「青蔥歲月Hi-Liter」這個電台節目寫的的第三首主題曲，但這卻是我第一次寫和編一首Rap Song。雖然未必有專業的效果，但我希望用不同的音樂元素，帶給聽眾一個新的感覺。特別想講講，歌詞裡面所提到的不同顏色，其實就是從「青蔥歲月Hi-Liter」裡的每一位義工，對自己是那一種顏色的看法而來，所以沒有他們，就沒有這首主題曲。

Deakin - 我嘅顏色係「唔識」。

我相信人嘅能力絕對係好有限，其實好多嘢都唔識；BB時要學識行路、年少時要學識獨立、成長後要學識照顧別人、有自己孩子時要學識做好父母、年老時要學識唔好囉唆，年年月月日日都有嘢學。有一句說話我覺得應該成日記住嘅，「唔識，咪學囉！」

阿Man - 我係一支珍珠色嘅Hi-Liter。

你第一眼睇上去以為係簡單平凡嘅白色，但係當你喺唔同嘅角度睇，再加上恰到好處嘅光線，就會發現原來係好多種變化出嚟嘅色彩。

Vivien - 我希望成為一支黃色Hi-Liter。

別以為黃色很普通很簡單，其實黃色是最universal，最有色彩的顏色，因為黃色是患有紅綠色盲的人也都看得見，認得出的顏色。當每個人也在追求與別不同，希望突出自己的時候，我發現，其實這個世界不欠出眾的出色，但卻可以容納更多包容，關懷，和諒解。

阿妹 - 我會用”通識” 哩個顏色嚟形容我哩個螢人。

唔知哩個係咩？通識或General Knowledge嘅意思係樣樣識一啲。種教學方式鼓勵學生去探索唔同嘅科目，接觸唔同嘅智識。我認為自己係通識，因為我曾經有機會學識好多唔同嘅嘢，但係其實對每一樣都係一知半解 ，所謂嘅”半桶水” ，所以我唔係讚自己呀！通識只係一個表面嘅形容詞，藏喺底下嘅又其實係咪一堆三分鐘熱度帶嚟嘅負呢？

Joshua - 我係一支真色/珍惜嘅Hi-Liter。

我覺得做人夠真非常重要﹐待人接物要真心。帶假面具自己辛苦﹐其他人對住你都辛苦。我亦都珍惜我身邊所有人與事﹐惺惺相惜。

珍妮 – 我係一支紫色嘅Hi-Liter。

紫色唔係一種主要嘅顏色體，但係佢嘅出現係由兩種主要嘅顏色體：藍同紅色混合而成，可以話係缺一不可。就好似要做一支出色嘅Hi-Liter，一個懂得分析事物嘅腦袋，一雙會觀察嘅眼睛同一對願意聆聽嘅耳朵，絕對係不可或缺嘅原素，咁先可以去Hi-light自己同別人嘅生活同生命。而做一支永不「止」息嘅Hi-Liter就係我嘅目標。

錦錦 – 我冇近視冇老花，我係一枝清「晰」嘅Hi-Liter。

我唔鍾意好花巧嘅嘢：包裝、修飾、化妝，全部俾我唔舒服嘅感覺！一杯清澈嘅水、一陣清新嘅涼風、和一個清純嘅笑容才是我的最愛！所有嘢都清清地、簡簡單單咪幾好！做一枝睇嘢清晰嘅Hi-Liter，需要清楚、需要分析、更加需要上帝的指示。我覺得簡約、信任、和神的愛才是最清晰最真摯的！

William – 我係解「釋」嘅Hi-Liter。

由細到大我都係一個鐘意解釋嘅人﹐講0野鐘意解釋﹐做事鐘意解釋。因為我覺得如果0係表達說話或者事情嘅時候﹐有清楚詳細嘅解釋﹐會有事半功倍嘅効果﹐亦可以避免無謂嘅誤會。而最重要嘅係﹐詳細嘅解釋會令到身邊嘅人更加容易明白自己。做朋友嘅野﹐最緊要就坦白嘛。Hiliter嘅宗旨係“highlight你嘅生活﹐highlight你嘅生命”。而我嘅座右銘就係“解釋我嘅生活﹐解釋我嘅生命“。

銀仔 – 如果你問我係咩色Hi-Liter，我會答你我係五光十色。

唔係因為我覺得自己嘅生活好多采多姿，而係我覺得自己好似無一樣嘢唔鍾意，不過又無一樣嘢做得精。諗諗吓，如果一支Hi-Liter真係五光十色，睇落都真係幾搶眼幾醒目架！不過真係要用到哩支Hi-Liter嘅時候，五光十色混埋一齊之只會變成黑色，而一支黑色嘅Hi-Liter又點用呢？所以，如果我表面上樣樣嘢都識少少，無一樣做得特別好的話，我就要繼續去讓自己進步，要繼續學習，嘗試，直到我搵到一 啲一支寫出嚟係黑色嘅Hi-Liter，而又可以真正運用到佢作用嘅白色字去Highlight!

阿Jo – 我係一支綠色 Hi-liter。

綠色帶有舒適嘅感覺, 綠色食物帶有營養, 綠色環境帶有氧份, 哩啲都係生活裡面必要嘅綠色元素. 你生活上係咪缺少咗某些元素? 或者我哩一支綠色 Hi-liter 會幫到你! 幫你Hi-light 你嘅生活, Hi-light 你嘅生命!

阿兔 – 我係「港式」嘅 Hi-liter。

我喺香港出世、香港長大。因為讀書先黎加拿大，所以我係一支『港式』嘅 Hi-liter，或者「講式」嘅Hi-liter都得，因為我都幾鐘意講嘢 。

阿Rie – 我要做一枝出色嘅hi-liter。

我鐘意用唔同嘅角度去睇每一件事，跳出自己嘅框框。 我會走多幾步去見識呢個世界，因為我地行嘅每一步路，都會令視野擴寬多點。希望我可以用我行多左嘅路帶比大家唔同嘅觀點與角度。